ඉඩෝරය

සීතාවගේ වේදනාව...

කුවේට් රාජ්‍යයේ ජනමාධ්‍ය

 පුවත්පත

කුවේට් රාජ්‍ය තුළ අරාබි හා ඉංග්‍රිසි පුවත්පත් පහක් ඇත. වඩාත් ජනප්‍රය පුවත්පත වන්නේ AL- Qabas ( STARBRAND ) පුවත්පතයි. කුවේට්ය තුළ ප්‍රධාන වශයෙන් පවතින්නේ පුද්ගලික මුද්‍රිත මාධ්‍ය කර්මාන්තයකි.

Ø THE STARBAND

1972 දී පිහිටුවන ලද අතර ලිබරල් ප්‍රකාශයක් වේ.             

Ø  ARAB TIMES

  1977 දී මෙම පුවත්පත ආරම්භ කරන ලදී.

              

Ø KUWAIT TIMES                                            

ඉංග්‍රීසි භාෂාවෙන් ප්‍රකාශයට පත් කරනු ලබන පුවත්පතක් වන අතර 1961 දී ආරම්භ කරන ලදී.

Ø PUBLIC OPINION      

 1961 දී ප්‍රකාශයට පත් කරන ලද කුවේටයේ දිනපතා පුවත්පතක් ලෙස හැදින්වේ.

Ø THE NATION

·        රුපවාහිනිය

කුවේටය තුළ රාජ්‍යයේ රැපවාහිනි විකාශන ජාලා 4 ක් සහ චන්ද්‍රිකා නාලිකාවක් ක්‍රියාත්මක කරයි. 2003 සිට පෞද්ගලික රැපවාහිනි විකාශන රාශීයක් ආරම්භ වී ඇත. අරබි රැපවාහිනි නාලිකා සමග ඇති චන්ද්‍රිකා රැපවාහිනි නාලිකා වැඩි වශයෙන් ජනප්‍රිය වී ඇත. 1961 නොවැම්බර් 5 වන දින කුවේටයේ රැපවාහිනි විකාශනය ආරම්භ වී ඇත. කුවේටයේ ජනප්‍රියම හා ප්‍රධානම රැපවාහිනි නාලිකා පහත පරිදි දැක්විය හැක.

   KTV 1 නාලිකාව

                 1992 අප්‍රේල්  7 වන දින ආරම්භ කරන ලද KTV1 නාලිකාව පැය 24 කාලයක විකාශනයකි. මෙය රාජ්‍ය නාලිකාවක් වන අතර එහි වැඩසටහන් චක්‍රය සෑම මාස තුනකට වරක් වෙනස් වන අතර රාමසාන් මාසය තුළ විශේෂ අන්තර්ගතයන් සහිතව විකාශනයවේ. නාලිකාවේ දිනපතා වැඩසටහන් ලෙස පහත වැඩසටහන් දැක්විය හැක.

                     

ü  ගුඩ් මොනින් කුවේට්

ü  බයිටෑක්

ü  යහපත් සන්ධ්‍යාව

                KTV1 නාලිකා විකාශනයන් හී සංස්කෘතික හා ආගමික වැඩසටහන් ද රාජ්‍ය සිදුවිම් ද විකාශනය කරයි.

  KTV 2 නාලිකාව

                ඉංග්‍රිසි භාෂාවෙන් විකශනය කරන ලද රාජ්‍ය නාලිකා වලින් එකක් ලෙස හැදින්විය හැක. මෙම නාලිකාව තුළ ඉංග්‍රිසි වැඩසටහන් හා අරාබි වැඩසටහන් ඉංග්‍රිසි භාෂාවෙන් විකාශනය වේ.

  KTV SPORT නාලිකාව

                      1993 නොවැම්බර් 1 වන දින විකාශනය ආරම්භ කරන ලද අතර මුලසුන ගත් මොහොමඩ් ඇල් සැඩෙල් විසින් නාලිකාව පර්සියානු ගල්ෆ් කලාපයේ ප්‍රධාන ක්‍රිඩා නාලිකාව බවට පත් කරන ලදි. එය මුලින්ම ප්‍රදේශිය ක්‍රිඩා නාලිකාවක් වශයෙන් විකාශනය විය. අද වන විට ජාත්‍යන්තර ක්‍රිඩා තරග විකාශනය සිදු කරයි.

  අල් අරබි නාලිකාව

                      2009 පෙබරවාරි 25 වන දින හිටපු තොරතුරැ අමාත්‍යවරයෙකු වන He sheikh sabab හා AL Khalid AL sabah  ගේ උපදේස් මත නාලිකාව ආරම්භ විය. එහි සාහිත්‍යමය, සංස්කෘතික හා විද්‍යාත්මක වැදගත්කමක් සහිත අංග ආවරණය කරනු ලබයි. ජාතික උත්සව ආවරණය වන විට අල් අරාබි නාලිකාව KTV 1 නාලිකාව සමග සම්බන්ධිකරණ කටයුතු සිදු කරයි.

  එත්රා නාලිකාව

                             ඉස්ලාම් ආගම ඉස්ලාමිය මුලධර්ම හා ඉස්ලාමයේ ආධ්‍යත්මික වටිනාකම පිළිබදව ජනතාව දැනුවත් කරන ආගමික වැඩසටහන් විකාශනය කරන නාලිකාවකි. එය ආකෆ් හා ඉස්ලාමිය කටයුතු අමාත්‍යංශය සමග හා ආවාකා මහජන පදනම සමග සම්බන්ධිකරණයක් සහිතව ක්‍රියාත්මක වන නාලිකාවකි. අන්තවාදි දෘෂ්ඨිවාදයන්ට වඩා ප්‍රධාන ඉස්ලාම් ධර්මය ඉස්ලාමයට අනුග්‍රහය දනවන තොරතුරැ සම්පාදනය කරයි.

·        ගුවන්විදුලිය

              කුවේට් රාජ්‍යයේ අරාබි හා ඉංග්‍රිසි ගුවන්විදුලි නාලිකා රැසක් පවති. 2005 දී ප්‍රථම පෞද්ගලික ගුවන්විදුලි නාලිකාව එළිදැක්විය. කුවේටයේ ගුවන්විදුලි මධ්‍යස්ථාන 18 ක් පමණ පවති. FM 103.7 මගින් අරාබි සංගිත ස්ථානයත් FM 99.7 මගින් ඉංග්‍රිසි සංගිත ස්ථානයත් විකාශනයවේ. 1951 කුවේටයේ ප්‍රථම ගුවන්විදුලි විකාශනය ආරම්භ විය. 1961 දී කුවේටයේ විමුක්තියෙන් පසුව 1961 දී රේඩියෝ මාධ්‍ය වර්ධනය විය. 1990 දී ඉරාක ආක්‍රමණය කිරිමෙන් පසුව කුවේට් පුරවැසියන්ට පක්ෂග්‍රහිව සිටිම සහ ඔවුන්ගේ රටෙහි ඉරාක ආක්‍රමණ ප්‍රතික්ෂේප කිරිම සදහා කුවේට් ගුවන්විදුලිය අනෙකුත් රටවල් වල සිට විකාශනය කරන ලදී.

·        නව මාධ්‍ය

         කුවේට් රාජ්‍ය තුළ අන්තර්ජාල භාවිතය 2, 219,972 බවට සදහන් වේ. 2013 දී කුවේට් ටයිම්ස් පුවත්පතට අනුව ජනග්‍රහන අනුපාතය අනුව ජනග්‍රහනයෙන් සමානුපාතිකව ඇති සමාජ මාධ්‍ය භාවිතකයන්ගෙන් ඉහළම ප්‍රතිශතයක් සහිත මැදපෙරදිග රට කුවේටයයි. 2015 දී මිලියන 2289 එනම් ජනප්‍රහනයෙන් 82.1% ක් අන්තර්ජාලය භාවිතා කරන්නන් බවට CIA ආයතනය මගින් 2016 දී ප්‍රකාශයට පත් කර ඇත. කුවේටය තුළ වඩාත් ජනප්‍රයම සමාජ මාධ්‍ය වන්නේ TWITTER සමාජ ජාලයයි. 2013 වර්ෂෙයේ දී TWITTER පරිශිලකයින් ගණන 225000 ක් වේ.

                            අර්ධ වශයෙන් නිදහස් මාධ්‍යක් පවතින රාජ්‍යක් ලෙස කුවේට් රාජය හැදින්විය හැක. මැදපෙරදිග රටවල් විසින් මාධ්‍ය තත්වය ලැයිස්තුගත කර ඇති අතර එයට අනුව කුවේටය නිදහස් මාධ්‍යක් සහිත රාජ්‍යක් ලෙස නම් කර ඇත. කුවේටයේ පුවත්පත් නිදහස ව්‍යවස්ථාවේ 36/37 වගන්ති වල සදහන්වේ. නුතන කුවේටයේ මුද්‍රත මාධ්‍ය 1920 ගණන් වල දී ආරම්භ වු අතර 1960 ගණනන් වල දී කමල්යුහාර් හා මව්ලානා යන අය විසින් එය පුළුල් කරන ලදී. කුවේට් හී බොහෝ පුවත්පත් තනි තනිව හිමිකාරිත්වයන් දරණ අතර විවිධ අදහස් ප්‍රකාශයට පත් කිරිමට ඉඩ ඇති නමුත් යම් දුරකට එය ආණ්ඩුවට එරෙහිව හෝ ඉස්ලාමිය තහනමට ඉඩ නොදෙනු ඇත.

                       

                                පුවත්පත් මගින් අද වන විට විවේචන එල්ල කළ ද ඒ සදහා ස්වයං සීමා පවති. බොහෝ කතුවැකි මගින් ආණ්ඩුව විවේචය කරනු ලබන අතර THE STARBAND පුවත්පතට තවමත් සිමා පවති. මෙයට ප්‍රධාන වශයෙන් හේතු වන්නේ කලාපයේ ස්ථාවරත්වය සහතික කිරිම සදහායි. බොහෝ විට පෞද්ගලික හා විවිධාකාරයේ මුද්‍රත මාධ්‍ය ඇත. ඉස්ලාමීය මුලධර්මවාදී ජාතිවාදී හා ලිබරල්වාදී ලෙස කුවේටය තුළ දෛනික, සතිපතා හා මාසික ලෙස අද වන විට පුවත්පත් සහ සගරා ප්‍රකාශයට පත් වේ. කුවේටයේ පුවත්පත් රදා පවතින්නේ රාජ්‍ය සහනාධාර මතයි. එයට හේතු වන්නේ ප්‍රවර්ධන වෙළදපලසිමා සහිත විමයි.                    

                           කුවේටයේ රජයේ රුපවාහිනි නාලිකවන්ට අමතරව වර්ථමානයේ දී පෞද්ලික රුපවාහිනි විකාශන 13ක් සහ චන්ද්‍රකා රුපවාහිනි නාලිකා ගණනාවක් ඇත. සවුදි අරාබි කණ්ඩායමක් සතු MBC 1 වැනි නාලිකා විශේෂයෙන් කුවේටය තුළ ජනප්‍රය වේ. රාජ්‍ය රුපවාහිනි නාලිකා මගින් අසභ්‍ය දර්ශන දැඩි වාරණයක් පනවා ඇත. පෞද්ගලික නාලිකා තුළ වෙනස් වු වැඩසටහන් ආකෘතියක් පවතින අතර තරුණ පරපුර ඉලක්ක කර ගනිමින් වැඩසටහන් නිපදවයි. 

තමාෂා ගුණරත්න

                 

මනරම් හෙනරත්ගොඩ උද්භිත උද්‍යානයේ පරිසර සුන්දරත්වය

                               ගම්පහ දූම්රිය ස්ථානයේ සිට ගම්පහ මිනුවන්ගොඩ ප්‍රධාන පාරේ කිලෝමීටර එකහමාරක් පමණ ගමන් කරන විට මාර්ගයේ වම්පසින් හෙනරත්ගොඩ උද්භිත උද්‍යානයට මග පෙන්වන නාම පුවරැව හමුවේ. අතීතයේදී ගම්පහට භාවිතා කළේ හෙනරත්ගොඩ කියන නාමය නිසා උද්‍යානයත් ඒ නමින් හදුන්වයි. එතැනින් හැරී තවත් කිලෝමීටර තුන් කාලක් පමණ ගමන් කළ විට උද්‍යාන ප්‍රවේශ දොරටුව දැකගත හැකි වේ. සොබා සෞන්දර්යයෙන් අනූන හෙනරත්ගොඩ උද්භිත උද්‍යානය ගම්පහ ප්‍රදේශය තුළ ජීවත්වන ජනතාවගේ මෙන්ම විවිධ ප්‍රදේශ වල ජීවත් වන ජනතාව‍ගේ ආකර්ශණයට ලක් වූ ආකර්ශණීය ස්ථානයකී. ගම්පහ හෙනරත්ගොඩ උද්භිත උද්‍යානය පෙම්වතුන්ගේ පාරාදීසයක් ලෙස හැදින්වීම නිවැරදී වේ.

                             ස්වාභාවික පරිසරය හා මානව නිර්මිත පරිසරය ලෙස පරිසරය වර්ග කළ හැකි අතර මෙම ස්ථානය මානව නිර්මිත පරිසරය යටතට අයත් වේ. ඈත අතීතයේ සිට බොහෝ ජනයාගේ නෙත් සිත් වශී කළ සුන්දර නගරයක් ලෙස ගම්පහ නගරය ඉතිහාස ගත වී ඇත. විශේෂයෙන් මෙරට පාලනය කල සුදු ජාතිකයන්ගේ සිත් දිනා ගත් ආකර්ශණීය නගර අතර මහනුවර,  නුවරඑළිය, බන්ඩාරවෙල ආදී නගර මෙන්ම විවේක සුවයෙන් ගත කිරීම පිණිස ඔවුන්ගේ නෙත් සිත් දිනා ගැනීමට ගම්පහ නගරය ද සමත් වී ඇත. මෙයට හොදම නිදසුන වනුයේ පේරාදෙණිය, හග්ගල වැනි ඉතා දැකුම්කලු සොබා සෞන්දර්යන් අනූන මල් උයන් නිර්මාණය කල පරිද්දෙන්ම ගම්පහ හෙනරත්ගොඩද ඉතා රමණීය උද්‍යානයක් නිර්මාණය කිරීමට සුදු ජාතිකයන් ක්‍රියා කිරීමෙන් ඒ බව තවදුරටත් පැහැදිලි වේ.

                            පහතරට තෙත් කලාපයට අයත් හෙනරත්ගොඩ උද්භිත උද්‍යානය පිහිටා තිබෙන්නේ මුහුදු මට්ටමේ සිට මීටර 10 ක් උසිනි. උද්‍යානයේ විශාලත්වය හෙක්ටයාර් 14.4 එනම් අක්කර 43 ක භූමී ප්‍රමණයකි. උද්‍යානයේ ඉදිරි පසින් මනස්කාන්ත කුඹුරැ යායක් දක්නට ලැබෙන අතර එය මිනිසුන්ගේ ආකර්ශණය දිනා ගැනීමට ප්‍රධාන හේතුවක් වී ඇත. මීගමු කලපුවෙන් මුහුදට වැටෙන අත්තනගලු ඔය ගලා යන්නේ උද්‍යානයට මායිම් වෙමිනි. එය උද්‍යානයේ සුන්දරත්වයටත් විශාල පිටුවහලක් වී ඇත. ස්භාදහමේ සුන්දරත්වය විද ගැනීමට හා ශාක පිළිබද අධ්‍යනය කිරීමටත් හොද තෝතැන්නක් වශයෙන් හෙනරත්ගොඩ උද්භිත උද්‍යානය හෙවත් ගම්පහ මල් වත්ත හදුන්වා දිය හැකිය.
                                              ගම්පහ හෙනරත්ග‍ෙඩ උද්භිත උද්‍යානය හෙවත් ගම්පහ මල්වත්තට අනෙකුත් උද්භිත උද්‍යානයන් අතරින් වැඩි වැද්‍ගත්කමක් හිමි වන්නේ  ලංකාවේ පළමු රබර්  පැලය මෙම උද්‍යානය තුළ  රෝපණය කිරීම නිසයි. ආර්ථීත කටයුතු උදෙසා රබර් කිරි ප්‍රයෝජනයට ගත හැකි අන්ද්ම පිළිබද්‍ ලෝකයට කරුණු ඉදිරිපත් වීමෙන් පසු තමන්ගේ යටත් විජිතයක් වන ලංකාවේ රබර් වගාව සිදු කිරීමට ඉංග්‍රීසින් තීරණය කරන  ලදී. ඒ අනුව පළමු රබර් පැල කීහිපය එංගලන්තයේ “කිව්“ උද්භිත උද්‍යානයයන් ගෙනවිත් පේරාදෙණිය රාජකීය උද්‍යානයේ රෝපනය කිරීමට මුලින් තීරණය කළ ද එහි දේශගුණය නොගැල පෙන බව සොයා ගැනීමෙන් පසු ඇමසන් ගංගා ආශ්‍රිත වනාන්තරබද දේශගුණයට සමාන දේශගුණයක් පැවති ගම්පහ ප්‍රදේශය ඒ සදහා යොදගන්නා ලදී. ඒ අනූව 1876 දී හෙනරත්ගොඩ උද්භිත උද්‍යානය තුළ  පළමු රබර් ශාකය රෝපණය කර ඇත. පළමු ශාකයේ මල් හටගෙන ඇත්තේ ශාකය රෝපණය කර වසර 5කට පසුවය. මෙලෙස රෝපණය කරන ලද පළමු ශාකය ස්වාභාවික හේතු මත විනාශ වූව ද දෙවන ශාකය විනාශ වී අතතේ 1988 දී ප්‍රදේශය හරහා හඹා ගිය සුළි සුළගක් නිසාය. එම ශාකයේ නටඹුන් අදයත් උද්‍යානය තුළ දැක ගත හැකිය. මිනිසා විසින් නිර්මාණය කරන ලද ස්ථානයක් වුව ද පාරිසරික සුන්දරත්වය නොවඩුව විද ගැනීමට හැකියාව උද්‍යානය මගින් හිමිවේ. උද්‍යානයේ ප්‍රධාන පිවිසුම දෙසට පිහිටි වනාන්තරය ආරම්භයේ පටන්ම නිවර්තන වාර්ෂා වනාන්තරයක ආදේශකයක් ලෙස පවත්වාගෙන යයි. එයට නුදුරින් පිහිටා ඇති පාම් ගස් මගින් විශාල අලංකාරයක් හිමිවේ. 

                    හෙනරත්ග‍ෙඩ උද්භිත උද්‍යානය තුළ  ජපන් උද්‍යානය, උඩවැඩියා එකතුව, ඖෂධ උයන, පළතුරැ උයන, පුෂ්ප උයන, මී වන උයන, තාල වර්ගයේ ශාක එකතුව ආදී වශයෙන් ශාක පැතිරි තිබේ. ගම්පහ වැනි නාගරික පරිසරයක් තුළ පවතින මෙම සුවිශේෂ ස්ථානය ක්‍රියාත්මක වන්නේ ජාතික උද්භිත උද්‍යාන දේපාර්තමේන්තුව යටතේය. DIPTEROCARPAS ZEYLANICUS, ROYSTONIA REGIA, CAIOPHYIIAM INOPHYLLUM, TURAKTOGENUS KURZIL, LIVISTONA ROTUNDIFOIIA  වැනි වැදගත් ශාක ප්‍රජාවන් උද්‍යානය තුළ පවති.  උද්‍යාන ප්‍රදේශය තුළ  වාර්ෂික වර්ශාපතනය මිලිමීටර  2500 ක් වන අතර වාර්ෂික උෂ්ණත්වය සෙන්සියස් අංශක 30  කී. උද්‍යානය තුළ ශාක විශේෂ 2000 ක් පමණ පවති. උද්‍යානයේ මෙහෙවර ශ්‍රී ලංකාවේ ස්වාභාවික හා නිර්මිත පරිසරයන් හී ඇති ශාක සම්පත් අධ්‍යනය,  තිරසාර සංරක්ෂණය, තිරසාර සංවර්ධනය හා ආශ්වාද්යය සදහා ජනතාවට අවස්ථාව  ලබා දීමයි. 
                උද්‍යානය තුළ  ක්ෂිරපායි සතුන් වන දිය බල්ලා, නරියා, ලේනා, දඩු ලේනා, ඉත්තෑවා, මුගටියා  ආදී සතුන් පරවියා, පිළිහුඩුවා, කොකා වැනි කුරැළු විශේෂ ද සමනලයා, මකුළුව, කුරැමිනියා, මී මැස්සන් වැනි  කෟමි සතුන් ද සර්පයින් හා කටුස්සන් ද ගොඩ ගෙම්බා, ගෙම්බා ආදී උභය ජීවින් ද මොලුස්කාවන් වන ගොළු බෙල්ලා හම්බෙල්ලා  ආදීන් ද මිරිදිය මාළු විශේෂ ද උද්‍යානය පරිශ්‍රය තුළ  දැක ගත හැකි සුලභ සතුන්ය. උද්‍යනය තුළ  ඝර්ම කලාපීය වනාන්තර 2ක් දැක ගත හැකි අතර ඒ තුළ  සත්ව විශේෂ රැසක් ජීවත් වේ. තිරසාර සංරක්ෂණය යටයතේ පවත්වා ගෙනයන උද්‍යානය පාරිසරික සුන්දරත්වය ආරක්ෂා කර ගනිමින් තිරසාර සංවර්නය සිදු කරන ආකාරය දැක ගත හැකිවේ. ජනතාවට පරිසරයේ සුන්දරත්වය විද ගනිමින් විනොදාස්වාදය විද ගැනිමට හෙනරත්ග‍ෙඩ උද්භිත උද්‍යානයෙන්  ලැබෙන්නේ මහගු අවස්ථාවකි.  

තමාෂා ගුණරත්න


    

අල්තීනායිට

තරහක් නෑ අදත්

හීන......